DOT XII, NAGHATAG SANG KAPIN 300,000 PESOS NGA KANTIDAD SANG KAGAMITAN PARA SA SIOK WATER FALLS

DOT XII, NAGHATAG SANG KAPIN 300,000 PESOS NGA KANTIDAD SANG KAGAMITAN PARA SA SIOK WATER FALLS

Naglab-ot sa 296,000 pesos nga kantidad sang kagamitan ang ginhatag sang dep’t of tourism reg. XII para sa siok water falls, ini ang ginkonfirmar ni City Mayor Peter Miguel, matapos nga gin-turnover sa komunidad ang nasambit nga mga kagamitan.

Ang mga kagamitan ang ginlakipan sang 5 ka camping tents, 4 ka canopy intallment shelters, 5 ka sleeping bags, 4 ka ropes, prosic cord, 2 ka burners, cook set, carabiner, 3 ka rescue pulley kag tandem pulley. Ginpahayag sang alkalde nga magluwas sa nasambit nga kagamitan, may palaabuton pa nga proyekto ang komunidad nga amo ang bamboo handicraft making sa diin ang pundo ang naggikan sa Bottoms-up-Budgeting (BuB)

Nahibalu-an nga wala naga-untat sa pagbulig ang city gov’t agud ma-promote ang siok water falls, matapos nga una na nga ginpadulungan kag gin-umpisahan ni DENR Sec. Gina Lopez.
Sa karon, ang siok water falls ang ginapadalagan na sang komunidad sang Sitio Si-ok, Bgy. Mabini bilang isa ka kooperatiba.