PINAKAUNA NGA CITY WIDE EARTHQUAKE KAG FIRE DRILL, IGAPATIGAYON SA MARSO 31

PINAKAUNA NGA CITY WIDE EARTHQUAKE KAG FIRE DRILL, IGAPATIGAYON SA MARSO 31

Magapatigayon sang pinakauna nga city wide earthquake kag fire drill ang city gov’t sa maabot nga marso 31, 2017, sa pagpanguna sang City Bureau of Fire Protection (BFP) bilang lead agency. Mangin sentro sang aktibidad amo ang KCC Mall of Marbel, 8:00 ang takna sang aga, bilang follow-up sang nagligad nga earthquake kag bomb drill nga ginhiwat sa amo nga establismento komersyal.

Sa nasambit mga aktibidad, mangin kabahin sang 27 ka mga barangays, buluthu-an, malls balay-bululngan kag iban pa nga mga dalagko nga mga edipisyo. Nahibalu-an nga magasentro sa drop, cover and hold ang amo nga drill, bilang pagpahanumdom sa mga nagakadapat himu-on sa ti-on nga magluntad ang pagtay-og.

Kaangot sini, nagapanawagan si City Disaster Risk Reduction and Mgt. action officer Cyrus Urbano sa tanan nga mga pumuluyo sang syudad nga makigbahin kag seryusuhon ang nasambit nga drill. Samtang, kabahin man sang drill, mabati-an ang siren nga magalawig sang 3 ka minutos nga palatandaan nga may yara sang kalamidad nga nagaluntad.

Ang city wide drill, ang kabahin sang simultaneous national earthquake kag fire drill nga ginapatigayon tagsa ka tuig bilang requirement sa pag-edukar sa mga katawhan agud mangin alerto sa ti-on sang kalamidad.

Photo by:
SFO Reginald Legaste